Amawulire

Gavt eleeta etteeka kungeri yókufunamu ettaka

Bya Benjamin Jumbe,

Gavumenti eyolekedde okuleeta ebbago ly’etteeka erikwata kungeri omuntu gyalina okufunamu ettaka mu bbanga eritali ly’ewala.

Bino byogeddwa minisita ow’ebyettaka Persis Namuganza, bwabadde aggulawo olukung’aana lweggwanga olw’ettaka olw’omulundi ogwókubiri olwa National Land Forum 2022 olutandise mu Kampala olwaleero.

Mu kusooka gavumenti yagezaako okutaganjula ssemateeka ennyingo eya 26 okusobozesa gavumenti okutwala ettaka ly’obwannannyini ku kifuba eritaako nkulakulana wabula abakwatibwako ensonga eno bagiremesa.

Minisita agamba nti etteeka lino ligenderera okusobozesa gavumenti okufuna ettaka okukolerako pulojekiti zaayo awatali kulemesebwa ng’agamba nti pulojekiti za gavumenti ezimu ziyimiridde olw’okuziyizibwa.