Amawulire

Gavt eyongedde okulabula amasomero agaaddumudde ebisale

Bya Moses Ndaye,

Government ng’eyita mu Ministry yaayo ey’eby’enjigiriza eyongedde okukakasa nga bwegenda okukangavvula abakulembeze b’amasomero bonna abanetantala nebalinyisa ebisale by’abayizi nga tebasoose kufuna kwebuuza nakukkirizibwa Ministry ekwatibwako.

Wabula okulabula kuno wekujidde nga mangi ku masomero gaamaze dda okufulumya emiwendo gy’ebisale ebijja abazadde byabalina okusasula okutandika n’olusoma olufundikira omwaka olutandika mu butongole ku lunaku lwa bbalaza.

Kati Minister Omubeeze avunanyizibwa ku matendekero ag’waggulu John Chrysostom Muyingo agamba amasomero aga Government wamu n’agobwannyini balina okusooka okwebuuza ku Ministry nga teganayongeza bisale.