Amawulire

Gavt ne Prof. Ogwang bakubiddwa mu Kkooti

Bya Ruth Anderah,

Munnamateeka wómu kampala addukidde mu kkooti enkulu nga avunanaana, Prof Patrick Ogwang, eyavumbula eddagala eriyambako mu kujanjaba ekirwadde kya ssenyiga omukambwe erya Covidex.

Munnamateeka George William Alenyo ayagala ensimbi zonna professor Ogwang zeyakafuna mu kutunda eddagala lino zigende mu nsawe ye ggwanga

Alenyo omusango oguwabwe wamu naba Christian Chamber of Commerce, Agriculture, Industry, Trade and Tourism nábalala 12

Professor Ogwang awabiddwa wamu ne kitongole ekivunanyizibwa ku byeddagala mu ggwanga ki National Drug Authority-NDA, Uganda National Bureau of Standards, National Environment Management Authority, National Forestry Authority, Mbarara University of Science and Technology, nábalala

Munnamateeka ono awakanya ekye bitongole bino okulemererwa okufuna obwannanyini ku ddagala lino, okulemererwa okusolooza omusolo ku ddagala lino nókulemererwa okuziyiza ekyokwonoona obutonde bwensi wakati mu kutema nga emiti egivaamu eddagala lya Covidex.

Mungeri yemu anenya ssabawolereza wa gavt okulemererwa okuwabula gavt ku musolo ogulina okuva mu kutunda eddagala lino

Munnamateeka Alenyo alumiriza nti ensimbi zonna ezakola eddagala lino zaali za gavt so si prof Ogwang