Amawulire

Gavumenti etabuse ku bya Desire- Akwatibwe

Gavumenti eyisizza ekiragiro ekiyimiriza emikutu gy’amawulire okuwandiika ku butambi bw’obuseegu obw’omuyimbi Desire Luzinda

Bino bisaliddwaawo mu Lukiiko wakati w’abakulu mu poliisi ne minisita akola ku byempisa n’obuntu bulamu Father Simon Lokodo

Poliisi era eragiddwa okukwata Luzinda okunyonyola wwa gyeyekubisiza ekifananyi kino na lwaki yakikola

Omwogezi wa poliisi Fred Enanga agamba nti kino kikoleddwa okulaba nti ebifananyi by’obuseegu bitangirwa okutambula.

Bbo abantu  basatu  ababadde  batunda  entambi  z’obuseegu  bavunaanidwa  era  nebatwalibwa  e  Luzira.

Bano  okuli  Ali  Shamidu  Ssekanjako,  Carol  Namutebi  wamu  ne  Farooq  Lubwama  baleeteddwa   ku  kkooti  ya  Buganda  Road  mu  maaso  g’omulamuzi  Alaali  Muhirwa  emisango nebagyegaana.

Kigambibwa  nti  bano  ne banaabwe  abalala  abatanakwatibwa  ng’ennaku  z’omwezi  17th Oct 2014  ku  kizimbe  kya  Zai  plaza wano  mu  Kampala  basangibwa  nga  batunda  obutambi bw’obuseegu ekintu ekimenya amateeka

Omulamuzi  abasindise  e  Luzira  okutuuka nga 9 omwezi ogujja ng’okunonyereza bwekugenda mu maaso.