Amawulire

Gavumenti tannasalawo ku ssabalamuzi

Ofiisi ya ssabawolereza wa gavumenti tenasalawo ku ky’okujulira oluvanyuma lwa kkooti okugaana Benjamin Odoki okuweebwa ekifo ky’obwa ssabalamuzi bw’eggwanga.

Ssabawolereza wa gavumenti Peter Nyombi agamba akyekeneneya mbeera olwo kwanasinziira okusalawo eky’okuzzaako.

Wabula Nyombi acoomedde omu ku balamuzi Remmy Kasule eyamulangidde obutawabula pulezidenti kimala ku bya ssemateeka nga addamu okulonda Odoki ku bwa ssabalamuzi bw’eggwanga.

Olunaku olw’eggulo kkooti etaputa ssemateeka yasazeewo Odoki obutadda ku bwa ssabalamuzi bwa ggwanga kubanga yakoona dda emyaka 70 omukozi wa gavumenti kwalina okuwumulira.