Amawulire

Kazinda asaliddwa ekibonerezo ekirala

Bya Ruth Anderah,

Eyali omubazi webitabo omukulu mu ofiisi ya Ssaabaminisita Geoffrey Kazinda azzeemu okusingisibwa omusango gw’okubulankanya ensimbi za gavumenti ezisoba mu bukadde 300 ezaali zigendereddwamu okukuba enkiiko ez’okwebuuza mu bitundu mu West Nile

Omulamuzi wa kkooti ewozesa obuli bw’enguzi Lawrence Gidudu amusingisizza omusango n’amulagira okuzza ssente ezzo bwalemwa asibwe emyaka 12.

Omulamuzi Gidudu era alagidde Kazinda okusasula engassi ya Kkooti ya bukadde bwa siringi busatu.

Omusango yaguzza nga 17th/March/2011.

Mu Nsala ye Omulamuzi yakizudde nti Kazinda teyatuusa nsimbi zino eri James Okuja omuyambi omukulu mu OPM eranga naye mujulizi mu musango guno