Amawulire

Kkooti egobye okusaba kw’abagambibwa okuba abatujju

Kkooti etaputa ssemateeka egobye okusaba okwakolebwa abagambibwa okubeera abatujju nga bawakanya eky’okuwozesebwa mu Uganda

Abantu bano 11 babadde bawakanya eky’okubajja mu ggwanga lya Kenya ne Tanzania okuvunaanibwa mu kkooti za wano

Abalamuzi abataano aba kkooti ya semateeka nga bakulembeddwaamu Steven Kavuma bategeezezza nga bwewataliiwo tteeka ligaana muntu kuvunaanibwa mu ggwnaga gy’aba addirizza omusango

Abalamuzi era bagambye nti Uganda yakwatagana n’abobuyinza mu Kenya ne Tanzania okuyambako mu kukwata abantu bano kale ng’okubawozesa teguba musango

Abalamuzi era bagambye nti bano emisango gyebazza gyannagomola era nga okubayimbula nti badde ewaabwe kisobola okukosa eby’okwerinda bya Uganda n’ensi yonna kale nga beetaga kusigala nga baggalidddwa

Ku kwemulugunya kwaabwe nti babakaka okukkiriza nti beebatega bbomu, abalamuzi babasabye okulinda okuwulira omusango gwaabwe byonna babiweeyo

Bano kati basindikiddwa e Luzira okugira nga babeera eyo okutuuka kkooti enkulu lw’enassaawo olunaku lw’okuwulirirako emisango gyaabwe

Abantu aboogerwaako beebagambibwa okutega bbomu e Kyadondo Rugby Grounds ne Kabalagala nebatta abantu abasoba mu 70