Amawulire

Lukwago alumbye gavumenti ku masomero agatundibwa

Omuloodi wa Kampala Erias Lukwago ateeredde gavumenti akaka olw’okulemererwa okukuuma amasomero okuva eri bamusiga nsimbi abesomye okugasayawo beddize ettaka kwegatuula bazimbewo ebizimbe .

Bw’abadde ayiseeko  ku ssomero lya Nakivubo Blue Primary School, Lukwago ategezezza nga bwekitali kyabwenkanya gavumenti kuwaayo masomero gano nga tenateekeratekera wakuzza baana bagasomeramu.

Kino kiddiridde okusendawo kw’essomero lya Nabagereka  Primary school omwezi oguwedde nga kati abayizi abaabadde basonerayo baakudda ku Nakivubo Blue.

Lukwago agamba watekeddwa okubeerawo enteekateeka enungamu wa abaana gyebalina okutwalibwa nga amasomero gasanyiziddwawo.

Ettaka okwali kutudde essomero lya Nabagereka School lyaweebwayo eri omugagga John Bosco Muwonge.

Abayizi abaasinze okutwalibwa ku ssomero lya Nakivubo Blue ba kibiina kyamusanvu.