Amawulire

Lwaki mutunda byemusikidde- Ssabalabirizi

Ssaabalabirizi w’ekkanisa ya Uganda Stanley Ntagali avumiridde abavubuka abasikira ebyobugagga okuva ku bakadde baabwe ate ekiseera bwekitambula olwo nebabikkakanako nebabitunda.

Ssaabalabirizi Ntagali bino abyogeredde mu busaabadinkoni bw’e Kaggulwe e Butambala mu kulambula kwaliko okwa ssabiiti ennamba mu diocese eya central Buganda.

Asabye abasumba b’ekkanisa okufaayo balwanyise omuze guno mu bavubuka nga babawa amagezi kko n’okubabuulirira ku ngeri butya bwebayinza okwegaggawaza nga tebatunze bintu byebabeera basikidde.

Ntagali yennyamidde olw’abavubuka abeerabidde ekkanisa n’ategeeza nti bakomewo eri omutonzi abalinze kuba ensibuko y’obugagga kubeera kwenywereza ku katonda.