Amawulire

Mbabazi agobeddwa ku bwa Ssabaminisita

Pulezidenti Museveni agobye John Patrick Amama Mbabazi ku bwa Ssabaminisita namusikiza abadde minisita w’eby’obulamu Dr.Ruhakana Rugunda.

Omwogezi wa Gavumenti Ofwono Opondo akasizza kino wabula tawadde nsonga lwaki pulezidenti anaabidde Mbabazi mu maaso.

Rugunda kati afuuse ssabaminisita wa Uganda ow’omukaaga mu gavumenti ya NRM.

Mbabazi y’azaalibwa nga  16 January 1949 .

Ono  munnamateeka era munnabyabufuzi omukuukutivu.

Abadde ssabaminisita wa Uganda okuva nga 24 May 2011 okutuusa lwagobeddwa olunaku olwaleero nga n 19 September 2014.

Nga tanafuuka ssabaminisita, yaweerezako nga minisita w’obutebenkevu bw’eggwanga wakati February 2009 okutuusa  May 2011.

Mbabazi era ye ssabawandiisi w’ekibiina ekiri mu buyinza ekya NRM nga akibaddemu okuva mu November wa 2005.

Mbabazi era ye Mubaka wa Kinkizi West mu disitulikiti ye Kanungu okuva mu mwaka gwa 1996.