Amawulire

Mbabazi mwetegefu okutereeza eggwanga

Eyali ssabaminisita w’eggwanga  Amama Mbabazi ategezezza nga bwatagenda kwawukana ku mateeka ga kibiina kye ekya NRM mu kusalawo ekkubo lye eby’obufuzi.

Nga asisinkanyemu abavubuka ba NRM abeeyita abaavu, Mbabazi ategezezza nti  ekibiina kye ekya NRM bwekilambika bulungi amakubo omuntu g’alina okuyitamu okufuuka omukulembeze nga kale galina okugobererwa.

Gyebuvuddeko ekibinja ky’abavubuka bano balumbye  amaka ga  Mbabazi e Kololo nga baagala abalage enteekateekaze ey’okwesimbawo ku kifo ky’omukulembeze w’eggwanga omwaka ogujja.

Abavubuka bano era bamukwanze  ekiwandiiko kyaabwe ekimusemba  okubeera omuntu waabwe anesimbawo ku kya pulezidenti w’eggwanga.

Nga bakulembeddwamu omukwanaganya waabwe Isa Kato, abavubuka bano bategezezza nga kyekiseera ky’enkyukakyuka nga era Mbaabzi y’alina okujikulemberamu nga yesimbawo omwaka ogujja.