Amawulire

Minisita Nantaba abanjibwa- omusaala gwe gukwatibwe

Olukalala lw’ababaka ba palamenti abalina amabanja agabali mu bulago lweyongera buli lukya.

Kkooti enkulu eragidde omusaala gwa minisita omubeezi ow’ebyettaka Aidah Nantaba gukwatibwe okusobola okusasula obukadde 23 mwemitwalo 70 ezimubanjibwa.

Amyuka omuwandiisi wa kkooti  Tom Chemtai y’awadde ekiragiro kino oluvanyuma lwa Nantaba ne munnamateekawe obutalabikako mu kkooti.

Ssente zino kuliko ne ssente endala ezisasanyiziddwa eyawaaba omusango guno.

Abbey Kasolo Kiberu mu November w’omwaka oguwedde yaddukira mu kkooti nga awakanya ekya Nantaba  okugaba yiika ze 38 ez’ettaka erisangibwa e Wasozi Kitende eri amaka amalala agaali galikaayanira.

Omulamuzi  Owiny –Dollo y’ategeeza nga ensonga a’ettaka bwezirina kusalibwawo kkooti kale nga Nantaba yetuminkiriza okuwaayo ettaka lino nga alina okussula Kiberu ssente zeyasasanyiza mu kkooti.