Amawulire

Mubaraka yeeganye okutta abeekalakaasi

Eyali omukulembeze w’eggwanga lya Misiri, Hosni Mubarak yeeganye okuyisa ekiragiro nti abaali beekalakaasa nga baagala ave mu ntebe mu mwaka 2011 battibwe

Mubarak, 86, abadde ayogerera mu kkooti omulundi ogusookedde ddala ku misango egimuvunaanibwa egy’okutta abeekalakaasi

Akkirizza nti yakola ensobi nyingi kyokka nga byonna yabikola okutaasa eggwanga lye.

Omukulu ono yamamuulwa ku ntebe mu mwezi gw’okubiri omwaka 2011 oluvanyuma lw’okumala emyaka 30 ng’ali mu buyinza

Ono yalekulira oluvanyuma lw’ennaku 18 ng’abantu beekalakaasa era wano abantu 365 beebattibwa amaggye