Amawulire

Mufti akyalidde abaggalirwa e Luzira

Mufti wa Uganda sheikh Shaban Mubajje olwalero akyaliddeko Sheikh Yunus Kamoga n’abalala 17 mu kkomera e Luzira abavunaanibwa emisango omuli obutemu n’obutujju.

Kamoga ne banne bavunaanibwa okutta sheikh Mustapha Bahiga ,Sheikh Abdul- Kadri Muwaaya wamu n’okugezaako okutta sheikh Haruna Jjemba.

Mubajje agambye nti wadde bali ku meere e Luzira tebalina musango okutuusa nga kkooti emaze okubasingisa emisango egibavunaanibwa.

Mubajje agambye nti ono yoomu ku kawefube gyebaliko okwongera okugatta ebiwayi by’abasiramu ebitalima kambugu.

Eno Mufti gy’asinzidde n’avumirira obuseegu obulabikira mu mawulire ennaku zino n’ebikolwa by’ettemu ebikyaase.