Amawulire

Mufti Mubajje azzeyo e Nakasero

Oluvanyuma lw’ebiwayi by’abayisiraamu ebimu okutandika ku lugendo lw’okwegatta, Mufti wa Uganda Sheikh Shaban Ramadan Mubajje asuubirwa okukulemberamu Juma yaleero wali ku muzikiti gwe Nakasero.

Olwokutaano oluwedde, abayisiraamu okuva mu mizikti egyenjawulo okuli Nakasero, ne William Street basaalira ku Old Kampala okulaga obumu.

Omwogezi w’ekitebe ky’obuyisiraamu ekya Old Kampala Hajj Nsereko Mutumba agamba e Juma eno yakuyamba okuzzawo obumu mu busiraamu nga era Mufti kati wakutalaaga emizikiti egyenjawulo nga anoonya obumu mu basiraamu.

Wabula bbo ab’ekiwayi kye Kibuli abakulemberwa Supreme Mufti Zubar Kayongo, bakyakalambidde nti okujjako nga ebintu by’obusiraamu ebyatundibwa bikomezebwawo, teri kwetaba mu nteeseganya za kwegatta.