Amawulire

Museveni akuutidde tiimu ekikiridde uganda mu za-OLympics

Bya Ivan Ssenabulya,

Omukulembeze wegwanga asimbudde abaddusi abagenda okukikirira Uganda mu mpaka za Olympic ezigenda okuyindira mu ggwanga lya Japan

Bano abakuutidde okubeera ne mpisa nga batuuseeyo.

Bwabadde asimbula abaddusi bano ku kisaawe e Kololo mu Kampala, Museveni mungeri yemu abakuutidde okufaayo enyo ku bulamu bwabwe mu kiseera kino nga amawanga galwanagana ne kirwadde kya covid-19

Empaka za Olympics zakubeera mu kibuga Tokyo zitandika ngennaku zomwezi 23^rd omwezi guno

Pulezidenti era asabye bannabyamizannyo bano okweyambisa talanta zabwe si mu kutunda Uganda ebweru kyokka wabula ne Africa okutwaliza awamu

Mungeri yemu ye Ambassador wa Japan mu Uganda H.E Fukuzawa Hidemoto akakasiza abazannyi bano nti bakumalako empaka zino mu bukuumi awatali yadde okutya ekirwadde kya ssenyiga omukambwe

Era mukakafu nti empaka zino zakunyweza enkolagana ya mawanga gombi

Ate ye minisita avunanyizibwa ku byemizannyo ne byenjigiriza Janet Museveni asabye bannabyamizanyo bano okuba abavumu era babe ne ssuubi.

Tiimu ya Uganda ekulembedwamu munnabyamizannyo Steven Kiprotich.