Amawulire

Nabukenya azzeeyo mu palamenti

Munna DP Brenda Nabukenya awangudde akalulu k’omubaka omukyala owe Luweero.

Nabukenya awangudde munne bwebabadde basing okubeera ku mbiranye.

Nabukenya afunye obululu 38,582 ate Nalwanga n’afuna obululu 22,236.

Faridah Namubiru afunye obululu 717 ate Ramula Kadala n’afuna obululu 758.

Omuwanguzi alangiriddwa akulira eby’okulonda e Luweero, alex Komuhangi wakati mu namungi w’omuntu ng’ono abaddemu ababaka ba palamenti, abatuunulizi b’eby’okulonda ne bannabyabufuzi abalala.

Wabula ng’ebivudde mu kulonda tebinnaba kulangirirwa, kibooko enyoose ebweru w’ekizimbe nga poliisi yezooba n’abawagizi ba Brenda Nabukenya ababadde batandise okujaguza ate ng’abalala beebuuza lwaki ebivudde mu kulonda tebifuluma.

Mu kavuvungano kano omusasi waffe Herbert Zziwa akubiddwa batuuni batuuni ku mutwe emulese ng’atonnya musaayi.

Yye akulira akakiiko akalondesa Eng Badru Kiggundu agamba nti basanyufu nti ku luno bannabibiina bakolaganye nabo bulungi okulaba nti okulonda kutambula bulungi.

Kiggundu agamba nti okulonda kutambudde bulungi

Ekifo kye Luweero kyafuuka kikalu oluvanyuma lwa kkooti ejulirwaamu okugoba Brenda Nabukenya mu palamenti kubanga okulonda okwamutuusa mu kifo kino kwaalimu akavuyo.