Amawulire

NRM tejja kukkiriza bagiyekeera mu kibiina

Ab’ekibiina kya NRM bagamba nti tebajja kukkiriza bannakibiina abamu bannakigwanyizi abagaala okutegeka emikolo egyaabwe egy’amenunula

Ng’ayogerako eri bannamawulire , minisita omubeezi akola ku bukuumi, Muruuli Mukasa agambye nti emikolo emikulu gyakubeera Soroti era abategese egyaabwe e Namboole bali ku byaabwe

Kiddiridde ekibinja ky’abavubuka mu NRM okutegeeza nga bwebategese olukiiko olwaabwe e Namboole okukungubaga olwa demokulasiya aweddewo mu kibiina munda

Muruuli agamba nti NRM erina bingi eby’akujaguza omuli obutebenkevu mu ggwanga n’okuyitimuka mu byenfuna

Emikolo gy’amenunula gyakubeera Soroti ku bbalaza nga 26 omwezi guno nga gyakutambulira ku mulamwa ogugamba nti okwongera okuyitimula ebyenfuna mu ggwanga.