Amawulire

Obuwumbi 10 okusattulula obujagalalo mu myezi 3

Ababaka mu Lukiiko olukulu olw’eggwanga bakunyizza senkaggale wa Poliisi Gen Kale Kaihura olw’ensimbi ezissibwa mu kukkakkanya abeekalakaasa

Kiddiridde ababaka okutegeezebwa nga poliisi bweyakozesa obuwumbi 10 mu kusattulula abeekalakaasi okuva mu mwezi gw’omusanvu okutuuka mu gw’omwenda omwaka oguwedde.

beebuzizza ku buwumbi 10 poliisi z’egamba nti yakozesa mu myezi esatu gyokka okukakkanya obujagalalo mu ggwanga

Ababaka okubadde Muwanga Kivumbi beewunyizza engeri ensimbi zino gyezikozesebwaamu era gyebigweredde nga nabo bibalemye okuwoza.

Wabula yye Gen Kaihura agambye nti ensimbi zino zikola bingi omuli n’okuwa abasirikale abagugumbulula abantu ensako.

Abakulu okuva mu miniistule ekola ku nsonga z’omunda mu ggwangakati basuubizizza okuddayo beetegereze emiwendo gino n’oluvanyuma bakomewo.