Amawulire

Ogwa Besigye ne munne Mukaaku teguwuliddwa

Bya Ruth Anderah,

Omulamuzi wa kkooti y’eddaala erisooka ku luguudo Buganda Asuman Muhumuza ayongezzaayo okuwulira omusango Dr Kiiza Besigye ne Munne Samuel Walter Mukaaku mwebavunaanibwa okukuma mu bantu omuliro ekyabaviirako okukwatibwa nebaggalirwa ne mu kkomera e Luzira.

Kiddiridde Ssabawaabi wa Gavumenti okulemererwa okutegeeza oludda oluvunanibwa mu musango guno obujulizi obwakwasisa Dr Besigye ne munne.

Omulamuzi kino akitadde ku akiikiridde DPP mu musango guno Ivan Kyazze, ng’okuyisa olugaayu mu bilagiro bya Court

Omulamuzi atuuse n’okutegeeza omuwaabi wa Government nga bw’abadde agenda okuyimbila Dr. Besigye ne munne olw’oludda oluwaabi okubulwa obujulizi singa babaddewo mu buntu mu kkooti.

Oluvanyuma lwa bino byonna, munnamateeka wa abawawabirwa Samuel Muyizzi ayogeddeko eri bannamawulire ku ebyo ebilabikidde mu mbuga.