Amawulire

Ogwa Chris Mubiru guli mu nkukutu

Okuwulira omusango oguvunaanibwa eyali akulira tiimu ya SC Villa Chris Mubiru  kutandise kyokka nga kuli mu nkukutu.

Omulamuzi aguli mu mitambo, Lilian Buchana alagidde bannamawulire n’abantu ba bulijjo okufuluma kkooti ng’omusango guno gutandise

Mubiru avunaanibwa kusiyaga bavubuka ekitundu ekimenya amateeka ga Uganda.

Oludda oluwaabi lugamba nti mu mwezi gwa December mu mwaka 2009 , Mubiru ono ng’asinziira e Mengo yasiyaga omuvubuka ategerekese nga Emmanuel Nyanzi ku mpaka.