Amawulire

Omusajja akutte omwana

Poliisi ye  Lukaya mu disitulikiti ye  Kalungu eriko landiloodi  ow’emyaka 50 gwekutte nga emuvunaana kusobya ku kawala komupangisa we ak’emyaka 12.

Alex Jemba y’aleppuka n’ogw’obwasseduvuutu nga era maama w’omwana ono agamba landiloodi ono yageze taliiwo n’amalira ejjakirizi ku kawala ke.

Maama agamba abaana bwebaabadde bazannya ne muwalawe baamutegezezza nga Jemba bweyayise akawala kano mu nyumba ye n’akasobyako era y’agenze okutuuka mu nyumba ye nga amaaso ku kawalake akaabadde keebase ku buliri nga akawale k’omunda konna kajudde omusaayi.

Anyonyola nti Jemba olwamuguddeko mu  nyumba nga tamusuubira kwekumutiisatiisa okumugoba ku nyumba ze singa abaako n’omu gwabuulira ku nsonga eno wabula tekyalobedde maama wa mwana ono kukubira poliisi.

Kati omwogezi wa poliisi mu bitundu bino  Noah Sserunjoji akakasizza okukwatibwa kwa Jemba n’ategeeza nga bwebagenda okusooka okukebera omwana oba teyamusiize siriimu nga era ono ayolekedde okugulwako ogw’okujjula ebitanajja nga okunonyereza kwa poliisi kuwedde.