Amawulire

Poliisi egumbye ku maka ga Besigye ne Lukwago

Poliisi ezinzeeko amaka g’eyali akulira ekibiina kya FDC  Dr Kiiza Besigye ne loodimeeya Erias Lukwago.

Besigye ali Kasangati nga ate ye Lukwago ali Wakaliga.

Kino kiddiridde ab’oludda oluvuganya gavumenti okuwera okukuba olukungaana e Katwe olunaku olwaleero nga beebuuza ku balonzi ku kulonda kwa loodi meeya wa Kampala bbo kyebawakanya.

Wabula Lukwago aweze nti teri kutiisibwatiisibwa bakukuba olukungaana  e Katwe  k’etonye oba gwaake  yadde nga poliisi yesomye okululinyamu eggere.

Yo poliisi ekyakalambidde nti olukungaana luno lumenya mateeka.