Amawulire

Poliisi egumbye ku ofiisi za FDC

Poliisi eyiiriddwa okwetolola ofiisi z’ekibiina kya FDC e Najjanankumbi oluvanyuma lw’okukitegeerako nti abavubuka b’ekibiina kino bagenda kutongoza kawefube w’okwekubya ebifananyi nga tebambadde masaati.

Bano baagala omuyambi w’eyali ssenkagale wa FDC Dr Kiiza Besigye’s, Sam Mugumya aleetebwe mu kkooti oluvanyuma lw’okukwatibwa mu ggwanga lya Congo ku bigambibwa nti yali yetaba mu bikolwa by’ekiyekera.

Omusasi waffe Herbert Zziwa atutegezezza nga poliisi bwegumbye mu kifo kino nga ekulembeddwamu James Ruhweza.

Akulembera abavubuka ba FDC , Francis Mwijukiye agamba mu kawefube ono bakwekubya ebifananyi nga ebifuba biri wabweru era babiteeke ku mutimbagano gwa yintaneti.