Amawulire

Poliisi etabuse ku mwana eyatulugunyizibwa

Poliisi enyonyoddeko ku by’okukyuusa emisango egivunaanibwa omukozi eyalabikidde mu katambi ng’atulugunya omwana wa mukamawe ow’omwaka ogumu.

Jolly Tumuhirwe y’asindikiddwa mu kkomera e Luzira ku misango gy’okutulugunya wansi w’etteeka ly’okutulugunya wabula nga kati poliisi ezzeemu okwetegereza okulaba nga aggulwako emisango emirala.

Omwogezi wa poliisi mu ggwanga Fred Enanga agamba nti bwebazzemu okwekeneneya akatambi, baakizudde nga yaaya ono y’abadde n’ekigendererwa eky’okutta omwana ono.

Mu katambi Tumuhirwe alabibwa nga asukuma omwana wansi namukubisa toochi oleo n’atandika okumussotera wansi

Wabula n’ababaka abakiikirira abakozi mu palamenti bagasse ku ddobboozi ly’abo abaagala ekibonerezo ekikakali kiweebwe omukozi ono olw’ettima lyeyayolesezza.

Omubaka  Arinaitwe Rwakajara agamba ono yatyobodde nnyo eddembe ly’abaana kale nga asana ekibonerezo ekikakai olw’ekyo kyeyakoze.

Wabula Rwakajara asabye abantu okuyigira ku kyaguddewo okwetegereza ennyo nga balonda abakozi abasigaza abaana baabwe.