Amawulire

Poliisi eweze olukiiko lwa 4GC

Poliisi erayidde okulinnya eggere mu Lukiiko olutegekeddwa abavuganya gavumenti wansi w’ekisinde kya For God and My Country.

Akulira poliisi mu kampala n’emiriraano Andrew Felix Kaweesi agamba nti abavuganya tebagoberedde amateeka agalagira nti omuntu alina okusaba olukusa ennaku ssatu ng’olukiiko terunnatuuka

Kaweesi agamba nti n’aba 4GC tebanyonyodde bantu bameka beebasuubira kale nga nabo kibakalubirira okutegeka

Aba 4GC babadde bategekese olukiiko e Katwe olunaku lw’enkya n’olulala e Wankulukuku ku ssande okulabula bannakampala ku bulabe obuli mu kwetaba mu kulonda Loodimeeya.

BBo ab’ebibiina ebivuganya gavumenti balayidde obutetaba mu kulonda loodimeeya kubanga kumenya mateeka

Babituuseeko mu lukiiko lwebatuuzizza mu palamenti olwaleero