Amawulire

Poliisi yegaanye okutuntuza aba Mbabazi

Poliisi yeganye ebigambibwa nti etuntuza abawagizi ba sabaminisita w’eggwanga, Amama Mbabazi  abaagala yesimbewo ku bukulembeze bw’eggwanga mu 2016.

Mu kiwandiiko omwogezi wa poliisi mu ggwanga  Judith Nabakooba agamba poliisi tetuntuza Muntu yenna olw’endowooza zabwe ku by’obufuzi nga bwebizze byogerwa mu mawulire.

Nabakooba agamba nti yadde nga okunonyereza ku buzzi bw’emisango obwekuusa ku bukuubagano mu kibiina kino kukyagenda maaso, bbo tebeyingiza mu nsonga zakusika mugwa mu kibiina kino.

Agamba bbo essira balitadde ku bantu abagenda bakungaanaya emikono gy’abantu nga babawa enguzi nga era bakuvunanibwa singa gubasinga wabula bakwejerezebwa singa tebasangibwa namusango gwonna.