Amawulire

Poliisi yezoobye n’abavubuka

Poliisi eriko ekibinja ky’abavubuka ky’egumbuludde nga babadde boolekera ku kitebe kya poliisi e Naguru n’ekiwandiiko ekisaba olukusa okukuba enkungaana mu kibuga Kampala wakati.

Bano poliisi ebasaliddeko wali e Bakuli nga era mu kavuvungano kano munnamawawulire wa WBS Andrew Lwanga akubiddwa abaserikale nga ne kamera ye eyononeddwa .

Aduumira poliisi ya Kmapala eyomumaserengeta afande James Ruhweza akakasizza nga munnamawulire ono bw’akubiddwa nga addusiddwa mu ddwaliro ekkulu e Mulago

Poliisi efubutudde abavubuka ba NRM okuva mu Buganda ababadde bakungaanidde e Makerere.

Bano babadde bateesa ku ttabamiruka gwebategese nga 26 omwezi guno wali mu kisaawe e Namboole

Poliisi nga ekulembeddwamu aduumira ey’e Wandegeya Julius Atusingwire etegezezza nga ekibinja kino bwekikubye olukungaana  luno ku ttendekero e Makerere  nga tebabategezezaako ssaako n’abakulira ettendekero kale nga lubadde  lumenya mateeka.