Amawulire

Sipiika ayogedde ku by’okumutta

Sipiika wa palamenti Omukyala Rebecca Kadaga kyaddaaki avuddemu omwaasi ku bigambibwa nti waliwo abamuwereza obutwa bw’obuwunga mu bbaluwa.

Kigambibwa okuba nti waliwo ebbaluwa eyaweerezebwa Kadaga era ng’omuyambi we Herman Kabogozza eyagibikkula yamukosa ng’abadde ajjanjabwa

Mu kiwandiiko sipiiika ky’afulumizza kyokka nga kimpi bulala, Kadaga agambye akkirizza nti mu butuufu kino kyaliwo kyokka n’ategeeza ng’okunonyereza bwekugenda mu maaso.

Yadde Kadaga agamba nti waliwo okunonyereza, omwogezi wa poliisi Judith Nabakooba agamba nti tebannamanyisibwa ku nsonga eno.