Amawulire

Sirina buzibu kukya Muhoozi kwesimbawo-Besigye

Bya Prossy Kisakye,

Ssentebe wékisinde kya people’s Front for Transition Rtd col Kizza Besigye agamba talina buzibu kukya mutabani wa Museveni, Lt Gen Muhoozi Kainerugaba, okwesimbawo kuntebbe eyómuk weggwanga singa bannauganda banamwaniriza.

Kino kidiridde engambo eziyitingana nti pulezidenti alina etegeka eyókulekera Muhoozi akulemberere eggwanga mu kulondwa kwa bonna omwaka gwa 2026.

Bwabadde ayogerera mu lukungana olwokukubaganya ebirowoozo oba nga bannauganda betaaga nkyukyuka oba bukulembeze bwansikirano ku yafeesi ze kibiina JEEMA e Mengo, Besigye, agambye nti tasuubira nti bannauganda bayinza okukkiriza Muhoozi okubafuga okusinzira ku ngeri kitaawe kyabafuzeemu.

Mungeri yemu Besigye avumiridde ekya Muhoozi okweyambisa ekyambalo kya maggye okwagala okugusa ebigendererwa bye.

Kino kidiridde Muhoozi okulabira mu kyambalo kya maggye mu kukuza amazaalibwage ngemabegawe waliyo ebipande okwali obubaka obugamba nti Muhoozi for presidency 2026-2031’’ kyokka nga muweereza mu ggye lye ggwanga.