Amawulire

Ssaabasajja Kabaka asiimye okuggulawo empaka z’amasaza ez’omwaka guno

Bya Mike Sebalu. Ssaabasajja Kabaka wa Buganda Ronald Muwenda Mutebi Ow’okubiri, asiimye okulabikako eri Obuganda bwanaaba aggulawo empaka z’amasaza ga Buganda nga 24 omwezi ogujja ogw’omukaaga.

Yafuuka nkola empaka zino okuggulirwangawo mu ssaza eriba liwangudde omwaka oguba guyise era ez’omwaka guno zakuggulirwawo mu ssaza Busiro abaawangula ez’omwaka oguwedde.

Banna Busiro basazeewo omupiira ogunaggulawo gubeere mu kisaawe kya Trinity College e Nabbingo.

Kati akakiiko akaddukanya empaka zino kakulambula ekisaawe kino okulaba oba kituukiriza ebisaanyizo.