Amawulire

Tewali munna Uganda yenna yazzeemu kwewandiisa kuva Sudan- Gavumenti

Bya Mike Sebalu. Gavumenti etegeezezza nga bwetannaba kubaako bantu balala banna Uganda bawangalira mu kibuga Khartoum ekya Sudan baagala kuzzibwa kubutaka.

Nga 27, abantu 211 bajjibwa mu kibuga Khartoum nebatwalibwa mu gwanga lya Ethiopia ku kisaawe ky’ennyonyi Bahir Dar, nnyonyi ya Uganda gyeyabanona nebazza ku butaka okubawonya ekibabu eky’olutalo n’okutuusa leero olukyagenda mu maaso.

Ku bano kwaliko abakola ku kitebe kya Uganda e Sudan, Abayizi abasomera e Sudan wamu n’abasuubuzi.

Kati Minister avunanyizibwa ku nkolagana ya Uganda n’amawanga amalala Henry Okello Oryem, ategeezezza nga gavumenti bwerina obumativu nti olwokuba ovuka e Sudan kwali kwa kyeyagalire, banna Uganda abaali baagala okudduka olutalo bandiba nga baggwayo.