Amawulire

Ttabamiruka wa NRM asombodde abawerako

Ate wowulirira bino nga ttabamiruka w’ekibiina kya NRM agenda mu maaso  nga era abakungu abasoba mu 10,000 bebasuubirwa okumwetabamu.

Wabula wabaddewo okwemulugunya okuva eri bannamawulire nga abamu bbanaabwe amanya gaaabwe bwegajiddwa ku lukalala lw’abagenda okubeerayo e Namboole.

Wabula yye omwogezi w’ekibiina kino Ofwono Opondo agamaba gano matu gambuzi.
Mungeri yeemu eby’okwerinda biri ggulugulu nga poliisi n’amagye bayiiriddwa okuviira ddala  e Bbanda okutuuka mu kisaawe e Namboole.

Yye minisita w’ebyokwerinda  Dr. Crispus Kiyonga alabudde abakungu okuva e Kasese okwewalira ddala ekiteeso kyonna ekiwagira eyali ssabaminisita w’eggwanga John Patrick Amama Mbabazi.

Kiyonga alabudde bano okusirika mu kifo ky’okuwakanya ebinasalibwawo abakungu abokuntikko.
Kasese y’emu ku disitulikiti ezaavuddemu abakungu abanji kubanga waliyo amagombolola agasoba mu 29 omwalondeddwa abakungu.