Amawulire

URA tesasula za bupangisa

Ekitongole ekikola ku ntambula z’enyonyi kiragiddwa okufumuula ab’ekitongole ekiwooza mu wofiisi Entebbe lwabutasasula za bupangisa

Bano nno yadde bazipeeka abalala, naye nga nabo babanjibwa obuwumbi butaano mu z’omupangisa

Ofiisi y’abawooza Entebbe tebagisasula era nga baludde nga babanjibwa naye nga tebenyenya

Akakiiko ka palamenti akakola ku bitongole bya gavumenti keekalagidde nti ofiisi wa Uganda Revenue authority eggalwe

Bino byonna biri mu alipoota ya ssababazi w’ebitabo bya gavumenti ey’omwaka 2010/2011

Akulira akakiiko kano Florence Namayanja yeewunyizza engeri ate abalina okusolooza omusolo bwebagaana okusasula ng’agamba nti kino kiswaaza

Namayanja era agamba nti kkampuni ezisinga ezirina wofiisi Entebbe endagaano z’omupangisa zaggwaako mu mwaka 2009 era nga tezizibwanga buggya