Amawulire

Wetonde- Pulezidenti Museveni assiddwa ku nninga

Ssentebe w’akakiiko akagatta eddiini ez’enjawulo mu kitundu kya Kigezi Fr Geatano Batanyenda atadde omukulembeze w’eggwanga ku ninga Yoweri Museveni yetondere bannayuganda olw’okuyita ab’oludda oluvuganya gavumenti emisege , n’okuyita eggye ly’eggwanga eggye lye.

Fr Geatano agamba bino byonna binyomoola ssemateeka w’eggwanga n’enkola ey’ebibiina ebinji.

Agamba ab’oludda oluvuganya gavumenti balina kuyitibwa bawabuzi kbanga bayamba gavumenti okugolola ensobi z’eba ekoze kale nga okubayita emisege kubavuma na ku bavvoola.

Bweyabadde alambula ebitundu byomu Kigezi ku kisaawe ky’essomero lya  Nyeikunama primary school, omukulembeze w’eggwanga y’ategezezza nga abavuganya gavumenti ye bwebali emisege gyenyini kale nga tasobola kubakwasa buyinza.