Ekibinja ky’abalamazi 50 okuva mu ggwanga lya South Sudan batuuse ku kiggwa ky’abajulizi e Namugongo nga betegekera okukuza olunaku lw’abajulizi wiiki ejja.
Akulira ekiggwa kino father Joseph Mukasa Muwonge yayanirizza abalamazi bano nga banaabwe nabo bali mu kubo.
Father Muwonge agamba bano bagasse ku banaabwe okuva e Rwanda, Tanzania ne Kenya abetegekera nga 3 June okukuza olunaku…
Obunkenke bweyongedde mu Disitulikiti ye Luweero oluvanyuma lw’abawagizi b’omubaka omukyala eyakalondebwa Brenda Nabukenya okukwatibwa.
Ababiri abakwatiddwa kuliko Richard Katabira ne Julius Mayega abaakwatiddwa ku bigambibwa nti baawuttula abaali bakuuma obululu bw’owa NRM Rebecca Nalwanga eyali yesimbye ku Nabukenya.
Omwogezi wa poliisi9 mu bitundu bino Lameck Kigozi akakasizza okukwatibwa kw’ababiri bano wabula ye omubaka Brenda Nabukenya nategeeza nga…
Omubaka wa Rubaga ey’obukiika ddyo Moses Kasibante asambira mabega nga janzi oluvanyuma lwa kkooti okumwejereza emisango gyonna egibadde gimuvunanibwa.
Kasibante abadde avunanibwa emisango okuli okukuba olukungaana olumenya amateeka, okukuma omuliro mu bantu saako n’okwonona emmotoka ya poliisi.
Oludda oluwaabi lubadde lulumiriza nti ono emisango yajizza mu 2011 wali e Nakulabye bweyali agezaako okuwakanya okulayira kwa singh Katongole…
KKanisa ya Uganda olwaleero ejje akawuuwo ku mulimu gw’okuzimba ekifo omugenda okuterekebwa ebyafaayo ku bajulizi.
Ssabasumba wa kkanisa ya Uganda Stanley Ntagali agamba nti abajulizi kyafaayo kya maanyi ekikungaanya ebantu okuva e bule ne bweeya kale nga buli ekibakwatako kikulu
Omusumba Ntagali era agamba nti ekifo kino kyakufuuka kya bulambuzi ekiyinza n’okuvaamu ensimbi eri ekkanisa
Ekifo kino kyakuzimbibwa…
Mu ggwanga lya Misiri abakulembeze batubidde n’okulonda kwebategeka ng’abantu bagaanye okukujjumbira
Okulonda kuno kwabadde kwa nnaku bbiri kyokka nga kwayongezeddwaayo okutuuka ku lw’okusatu naye ng’era teri bajjumbidde
Gavumenti y’amaggye efuga eggwanga lino olunaku lwajjo era yalulangiridde ng’olw’okuwummula okusikiriza abantu okulonda kyokka nga bino byonna tebiyambye.
Abantu obutajjumbira kulonda kireeseewo akabuuza ku buganzi bw’obukulembeze bw’amaggye mu ggwanga lino n’agakulira…
Munnamawulire waffe eyakubwa ng’akola amawulire ge Luweero mu butongole agguddewo omusawo ku poliisi ye Luweero n’oluvanyuma akube poliisi mu mbuga z’amateeka
Zziwa yakubwa batuuni ku mutwe yadde nga yafuba okulajaana nti yali munnamawulire
E Luweero awerekeddwaak ab’ekibiina ekirwanirira eddembe lya bannamawulire aba Human Rights Network for Journalists.
Eky’enkola ya NAADS obutavaamu bibala bigisuubirwaamu kissiddwa ku by’obufuzi ebigibaddemu
Olunaku lwajjo pulezidenti museveni yalagidde nti enteekateeka eno esazibweemu kubanga teyambye bantu kwejja mu bwavu.
Omubaka wa municipaali ye Rukungiri Roland Mugume agamba nti enteekateeka eno tebadde mbi wabula ng’ejuddemu eby’obufuzi kale nga teyinza kuyamba bantu.
Mugume era agamba nti gavumenti essira yandibadde erissa ku kutuukirira balimu bonna…
Mu kawefube ow’okwanguyiza abantu omulimu gw’okwewandiisa okufuna endagamuntu, gavumenti yakutandika okuwandiika abantu ekiro.
Bino byogedde minista ekola ku nsonga z’omunda mu ggwanga Gen Aronda Nyakairima bw’abadde aggulawo omusomo gw’ennaku 2 eri abamu ku bakola omulimu gw’okufuna endagamuntu.
Nyakairima alaze bwenyamivu nti bukyanga kuwandiisa kutandika mu mwezi ogw’okusatu, abantu akakadde kano mu emitwaalo 80 beebokka abakewandiisa ku bukadde…
Kkooti y’amaggye ekendeezezza ekibonerezo eri omujaasi eyakuba amasasi mu bantu e Luzira n’attamu basatu.
Herbert Rwakihembo yali yasalirwa emyaka 30 kyokka nga bamusaliddeko wakati nga kati wakusibwa emyaka 15.
Abatuula ku kkooti eno nga bakulirwa Brig Ddiba Ssentongo bagamba nti emyaka 30 egyaweebwa Rwakihembo gyaali mingi nnyo okuva lwekiri nti gwegwaali omulundi gwe ogusoose okuzza omusango gwa…
Wano mu industrial area Poliisi ekubye amasasi mu bbanga okugumbulula abagoba ba bodaboda, nga bano babadde beesomye okugajambula omuvuzi w’ekimotoka kya bulekedawuni atomedde banaabwe 2 n’abatta
Ekimotoka kino number UVV 599 kiyingiridde bodaboda ezibadde zitambula agaazo,ekiggye abagoba ba bodaboda abalala mu mbeera nebaagala okukuba abadde akivuga .
Akabenje kano kagudde wano ku 8th street kinya nampindi n’amaka…
