Minisitule y’ebyobulamu etongozezza kawefube w’okugema abasawo bonna mu kawefube w’okulwanyisa ekirwadde kya Hepatitis mu Uganda.
Minisita akola ku byobulamu Dr Elioda Tumwesigye agamba nti kino kigendereddwaamu kutangira kirwadde kino kuva ku balwadde kukwata basawo ate abalina okubakolako
Tumwesigye agamba nti bannayuganfa abali mu bukadde 16 beebali mu bulabe bw’okufuna ekirwadde kya Hepatitis.
Obulwadde bwa Ebola mu bugwanjuba bw’eggwanga bujja kuba butuuliddwa ku nfeete mu mwezi gw’omunaana wegunaatukira
Akulira omukago gw’amawanga amagatte ku bulwadde bwa Ebola Ismail Ahmed y’ategeezezza bw’ati.
Ono azzeemu okukkiriza nga bwebasooka okugayaala ekyayongera obuzibu.
Obulwadde buno bwakatta abantu abasoba mu mutwalo omulamba.
Bannasayansi bazudde engeri omuceere gyeguyinza okutegekebwaamu omuntu n’agulya ate negutamugezza
Bano bagamba nti omuceere guno bwegufumbibwa nga gulimu butto w’ebinazi omuntu n’agussa mu firiigi okumala essaawa mukaaga nga tannagulya guba guwedde ebiriisa ebigezza
Abanonyereza bano okuva mu Srilanka bagamba nti omuceere omutegeke bweguti gukendeeza obulabe bw’ebiriisa ebigulimu n’ebitundu 60 ku kikumi
Enkola eno ekendeeza ku sitaaki ali mu…
Omusujja gwa Typhoid gwongedde okusasanira mu bitundu by’eggwanga ebirala.
Abantu nga 311 bateberezebwa okubeera n’omusujja guno mu disitulikiti ye Maracha .
Akulira okulambula eby’obulamu mu disitulikiti eno Rasul Jurua agamba omusujja gubakutte mu myezi 3 egiyise nga era batandise okwekenenya abatunzi b’emmere mu kutundu kino.
Ye akulira abakozi mu disitulikiti eno Francis Opolot, wano w’asabidde amaka gonna okusima…
Abakulembeze b’ebyobulamu okwetoolola amawanga ga East Africa bakusisinkana mu Kampala okukubaganya ebirowoozo ku nsonga z’ebyobulamu
Bagenda essira kulissa ku bulwadde bwa mukenenya n’omusujja gw’ensiri
Bano era bakuteesa ku nsonga za yinsuwa y’ebyobulamu, n’engeri y’okugissa mu nkola mu mawanga nga Uganda
Minisita omubeezi akola ku guno na guli mu minisitule y’ebyobulamu Chris Baryomunsi agamba nti bakukubaganya ebirowoozo ku ngeri…
Gavumenti esabiddwa okwongera okubangula abantu ku bulwadde bwa TB
Kino kijjidde mu kaseera ng’eggwanga lyetegeka okukuza olunaku lw’okukandula amaloboozi ku bulwadde buno ssabbiiti eno
Omusawo mu ddwaliro lya Kisenyi Health center Daniel Ssebagala agamba nti abalwadde abasinga beebogeddeko nabo bamanyi kitono ku bulwadde buno
Agamba nti bangi era tebafaayo kugenda mu malwaliro kufuna bujjanjabi ate abalala bwebalwaawo okuwona…
Omuwendo gw’abalwadde b’omusujja gwomubyenda ogwa Typhoid gweyongedde wano mu Kampala.
Ab’ebyobulamu okuva ku ddwaliro lya Kisenyi Health center 4 bategezezza nga bwebaafunye abalwadde abasoba mu 400 nga bateberezebwa okubeera ne typhoid.
Akulira eby’obulamu mu KCCA Dr. David Sserukka agamba kati abantu abasoba mu 2300 bebalina ekirwadde kino mu Kampala.
Dr.Serukka agamba okuva bwekiri nti omusujja guno gweyongedde amanyi,…
Pulezidenti Museveni alumbye minisitule y’ebyobulamu olw’okulemererwa okuweereza bannayuganda mu ngeri ematiza
Pulezidenti okuboggola abadde aggulawo omusomo ku ngeri embalirira gy’etambuziddwaamu mu kitundu ekisooka eky’omwaka
Ono agambye nti yadde ebiruubira ebiweza ebitundu 68 ku kikumi bituukiriziddwa, minisitule eno esobodde kugema naye n’etalwanyisa bulungi ndwadde ndala naddala eziva ku bujama
Ono ategeezezza nga minisitule bw’erina omulimu okulwanyisa endwadde entono ezitta…
Ekyuuma kya sikaani e Mulago kyaddaaki kizzeemu okukola oluvanyuma lw’ebbanga nga tekikola
Omwogezi w’eddwaliro lye Mulago Enoch Kusaasira agambye nti ekyuuma ekikadde kyekyaddabiriziddwa kyokka nga n’ekipya kyakussibwaamu akadde konna
Omu ku bakola ku kyuuma kino Dr Sam Ochola ategeezezza nga buli kimu bwekitambula obulungi nga kati abalwadde beetaga emitwalo 12 okufuna sikaani.
Ekyuuma kino kisinga kwetaagibwa abo abakubiddwa…
Amaggye g’eggwanga aga UPDF gawaddeyo abasawo 50 okuyambako mu kulwanyisa obulwadde bwa Typhoid
Aduumira amaggye g’eggwanga General Katumba Wamala agamba nti abasawo bano bakuyambako mu kukukola ku muwendo gw’abalwadde omunene gwebafuna
Yye akulira abakozi mu kibuga Jennifer Musisi agamba nti obuzibu bwa Typhoid bukyaali bw amaanyi n’asaba nti buli asobola abayambeko