Ebyobulamu

Abasawo abanafu bakugobwa

Abasawo abanafu tebajja kuba na bifo Mulago ng’eddwaliro lino limaze okulongoosebwa

Bino byogeddwa omuwandiisi w’enkalakkalira mu minisitule y’ebyobulamu Dr Asuman Lukwago

Dr Lukwago agambye nti eddwaliro lino bagaala kuliteeka ku mutindo gw’ensi yonna kyokka nga kino kijja kutuukikako ng’abasawo tebasooba.

Bino yabyogedde aggalawo omusomo gw’emyezi omukaaga eri abasawo n’abaddukanya eddwaliro lino erye Mulago n’amalwaliro ga gavumenti mu kampala.

Kyokka era Lukwago agambye nti okussa eddwaliro lino ku mutindo gw’ensi yonna kyetaaga ssente ng’abalwadde balina okweteekateeka okuwa ku nsimbi ezisingako zebabadde bawa

Yye amyuka akulira eddwaliro lye Mulag Dr .Doreen Birabwa Male agambye nti nga bamalirizza okulongoosa eddwaliro n’okussaamu ebyuuma by’omulembe, omujjuzzo mu ddwaliro bagusuubira okukendeera

Okuddabiriza Mulago gwatandika mu November w’omwaka oguwedde.