Ebyobulamu

Omulwadde afiiridde ku ddwaliro

Entiisa ebuutikidde abatuuze be Kasese oluvanyuma lw’omulwadde ow’emyaka 60 okutondoka n’afiira ku lubalaza lw’eddwaliro oluvanyuma lw’okusanga nga liggale emisana ttuku.

Ab’enganda z’omugenzi bazze bamusitulidde ku katanda k’abalwadde okuva mu kyaalo kye Buhathiro mu nsozi ze  Ihandiro wabula nebasanga nga eddwaliro ligaddwa ku ssaawa 9 ez’emisana.

Ssentebe w’ekyaalo  Edward Byalirwe ategezezza nga omugenzi bw’ategerekese nga Kahihili omutuuze ku kyalo  Buhatiro .

Ssentebe wa disitulikiti ye Kasese munnamagye eyawummula  Lt. Col. Dula Mawa Muhindo atuuse mu kifo kino okulaba ogubadde n’ategeeza nga gavumenti bwekola ekisoboka okutumbula eby’obulamu mu ggwanga wabula abasawo nebabayiwayo nga bebulankanya ku mirimu.

Ye akulira eby’obulamu mu disitulikiti ye Kasese  Dr. Yosuf Baseke agamba tebagaba bitanda ku  ku ddwaliro lya Kihoko Health centre II nga era omugenzi yandiweereddwa obujanjabi obusookerwako singa abasawo babaddewo.