Ebyobulamu

Typhoid- amazzi g’obwereere gazze

Minisitule y’ebyobulamu ng’eri wamu n’aba mazzi  yakussaawo amazzi g’obwereere eri bannakibuga bonna

Taapu ezisoba mu 40 zeezigenda okussibwaawo ng’ate teziggalwa kale ng’abantu bakusena amazzi nga bwebagaala

Kamisona akola ku by’okulondoola endwadde ebigwaawo Dr.Monica Musenero agambye nti kino bakikoze nga bali wamu n’aba mazzi okuyamba abantu okufuna amazzi amayonjo

Taapu zino zakussibwa mu katale ke Nakasero, mu paaka enkadde n’empya, ku miniprice mu paaka za baasi n’ebifo ebirala

Gwo omuwendo gw’abalina obulwadde bwa Typhoid gwongera kulinnya

Kati abantu 1483 beebakakasiddwa okuba n’obulwadde

Dr Monica Musenero agamba nti ku bano, abantu 322 beebakoleddwaako

Dr Musenero agamba nti jjo lwokka baafunye abantu 135 nga balina obulwadde buno.