Emboozi

Temweyibaala temuli baakitalo nnyo, Mikel owa Nigeria abogodde

Fredrick Musisi Kiyingi

LWAMUKAAGA
Ghana ne Cape Verde
South Africa ne Mali

SSANDE
Ivory Coast ne Nigeria
Burkina Faso ne Togo
KAMPALA

Ttiimu musanvu ku munaana ezisigadde mu kikopo kya 2013 Orange Africa Nations Cup, musanvu zonna ziva mu West Africa nga ku zino  mukaaga zikwatagana mu luzannya lwa ‘Quarter Final’ wiikendi eno.

Naye ku mipiira egyo esatu ogwa Ivory Coast ne Nigeria ogujja okubaawo ku Ssande  gwogeza abantu obwama.

Ivory Coast yeesongeddwamu olunwe okuwangula omupiira guno naye ekyo te kigaanyi musambi John Obi Mikel omuwuwutanyi wa ttiimu ya Super Eagles okuvaayo n’ayogera nti,  “ Tumanyi Ivory Coast  batusingako naye tebeeyibaala, si   baakitalo nnyo. Tuyinza okubasuula ettale. Twali tulabye ku ttiimu ezisinga eyo naye neziwangulwa.”

Mikel yagenze mu maaso n’agamba nti,  “ Okuzannya Ivory Coast  kigenda kuba kikalubo naye  nze neesunga okusisinkana mukwano gwanga Didier Drogba. Omupiira gwokusirisizaawo temuba muzannyo ate tegubaako kumanya.”

Ttiimu zombi zaakasisinkana emirundi etaano nga Ivory Coast erina enkizo, kubanga  yaakawangulako emirundi ebiri ate Nigeria gumu, emirala balemaganye.

Emirundi gyebaakasemba okuzannya  gyombi Ivory Coast yagiwangula. Mu luzannya oluddirira olwakamaririzo (semi-final) e Egypt mu kikopo kya 2006, Ivory Coast yawangula ggoolo 1-0 ne Ghana mu gw’ekibinja  ggoolo 1-0 e Ghana 2008.

Yo Ghana eyaakawangula ekikopo kino enfunda nnya be basooka mu nsiike nga bazannya Cape Verde abagole olwo South Africa bazannye Mali. Burkina Faso abaawandula Zambia ababadde n’ekikopo bazannya Togo edduumirwa Emmanuel Adebayor.

Ggoolo ezaakateebwa mu kikopo kya Africa  

Omuzannyi            Ttiimu                 Ggoolo
Alain Traoré                          Burkina Faso                     3
Emmanuel Emenike        Nigeria                                 2
Yao Gervinho                       Ivory coast                         2
Dieumerci Mbokani          DR Congo                           2
Victor Moses                        Nigeria                               2
Siyabonga Sangweni           South Africa                   2
Yaya  Touré                                Ivory Coast                        2

January 21, 2008 Nigeria 0 – 1 Ivory Coast
February 07, 2006 Nigeria 0 – 1 Ivory Coast

Burkina Faso v Togo
August 15, 2012, Togo 0 – 3 Burkina Faso
November 2, 2009  Burkina Faso1 – 1 Togo
May 29, 2005 Togo1 – 0 Burkina Faso

Kkaadi ezaakagabibwa
Omuzannyi                Ttiimu              Eyakyenvu        Emmyufu    
Sisay Bancha                       Ethiopia                            1                         1
Efetobore Ambrose         Nigeria                              1                         1
Jemal Tassew                     Ethiopia                            0                        1
Abdoulaye Soulama         Burkina Faso                 0                         1
Younès Belhanda              Morocco                           2                         0
Mamadou Samassa         Mali                                       2                         0
Mohamed Soumaïla         Niger                                 2                         0
Calvin. Ngcongca              South Africa                   2                        0
Fegor Ogude                         Nigeria                              2                        0
Joseph Musonda                Zambia                               2                         0
Wakaso Mubarak               Ghana                               2                         0

Kkaadi za Kyenvu ezaakagabibwa mu mipiira 24 ziri 114  n’emmyufu  nnya.

fmusisi@ug.nationmedia.com