Amawulire

Kooti eragidde gavumenti okuliwa obukadde 225 eri gwebayolera mmotoka mu bukyamu

Bya Ruth Anderah

Kooti enkulu mu Kampala eragidde gavumenti okuliwa obukadde 225 eri omusubuzi Moses Besimira olwokubowa mmotoka ye mu bukyamu emyaka 10 emabega.

Okusinziira ku nnamula wereddwa omulamuzi Musa Ssekaana, okuyita ku email eri enjuuyi zonna mu musango guno, mmotoka eyogerwako Mitsubishi Fuso namba UAK 588G bajikwata nga 8

September mu mwaka gwa 2011.

Mmotoka ya Basimira, bajitwala wataali nsonga yonna era okuva olwo abaddenga agezaako okulwana emudizibwe nebirema okutuusa lweyasalwo okugenda mu kooti mu mwaka gwa 2015.

Ono yawawabira Ssabawolereza wa gavumenti ngagamba nti yali mu mbeera nnungi wabula bajibowa awataali nsonga yonna.

Mu nnamula ye omulamuzi Ssekaana abaliridde mmotoka ye eyatwalibwa ku bukadde 110, obukadde 100 okumutataganya n’obukadde 15 ngekibonerezo eri poliisi abamumalako eddmbe lye.