Amawulire

Abaliko obulemu e Mukono balonze obukulembeze

Bya Ivan Ssenabulya,

Abantu abaliko obulemu ku mibiri gyabwe e Mukono balonze olukiiko olugenda okubakulembera olwa disability council, era abakulembeze abalondeddwa balayiziddwa mbagirawo.

Omulamuzi wa kooti ento e Mukono Juliet Nakiboneka, yalaziza abakulembeze abappya abalondeddwa.

Kisuule Umar yaalondedwa nga ssentebe w’abaliko obulemu, agenda kumyukibwa Nakigozi Eva nabalala.

Kati Lubowa Ramathan kansala w’abaliko obulemu ku mibiri ku lukiiko lwa munisipaali akalatidde abalondedwa okufuba okulondoola ensimbi ezibaweebwa mu bibiina byabwe ebyobwegassi.

Ono asabye abantu abaliko obulemu okulwanyisanga eky’abantu abatulugunya n’okukabasanya abaana abaliko obulemu.