Amawulire

Ebbugumu lyeyongedde nga kampeyini ziggalwawo e Kayunga

Bya Juliet Nalwooga

Ebyokwerinda binywezeddwa okwetoloola enguudo ezenjawulo e Magere, okumpi namaka gakulembera ekibiina ekivuganya gavumenti ekya National Unity Platform.

Robert Kyagulanyi, amanyiddwa nga Bobi Wine assubirwa mu disitulikiti ye Kayunga owaleero, mungeri yeemu nomukulembeze wegwanga assubirwa.

Omubaka wa gavumenti e Kayunga Kigozi Ssempala yabadde alagidde Bobi Wine obutajja mu kitundu kino, kubanga ne pulezidenti Museveni asubirwa okukuyegera owa NRM Andrew Muwonge, ku kifo kya ssentebbe wa disitulikiti ye Kayunga.

Kyagulanyi naye ayagala kukuyegera akutte bendera ya NUP Harriet Nakweede.

Ekifo kya ssentebbe wa disitulikiti ye Kayunga kyasigala nga kikalu, oluvanyuma lwokufa kweyali ssentebbe Ffeffeka Sserubogo, wabula olwaleero kampeyini lwezigenda okuggalwawo.

Olunnaku lweggulo, omwogezi wa poliisi mu gwanga Fred Enanga yagambye nti tewali muntu yenna gwebagaanye okugenda e Kayunga.