Amawulire

Meeya Uhuru alajanidde Museveni asonyiwe abatembeeyi

Bya Prossy Kisakye,

Meeya wa Kampala Central, Salim Uhuru avuddeyo n’asaba pulezidenti Museveni okusonyiwa n’okuyimbula abatembeeyi n’abasuubuzi b’oku nguudo bonna ababonabonera mu makkomera

Bwabadde ayogerako eri bannamawulire ku ofiisi za Uganda Journalists Association (UJA) e Kawempe, Uhuru yagambye nti waliwo abasuubuzi bangi ababonaabona mu makomera ga Uganda abaakwatibwa mu bikwekweto bye kitongole ekidukanya ekibuga kampala ekya mu okugoba abatembeeyi ku nguudo.

ategeezezza nti bangi ku bo okuva lwe baakwatibwa tebatwalibwanga mu kkooti okuwozesebwa ekintu ekikontana ne ssemateeka.

Meeya Uhuru era asabye pulezidenti alagire KCCA okuzza emmali yabatembeeyi ezze eboyebwa ku bantu bano gyalumiriza nti oluusi ebbibwa abaserikale ba KCCA abakwasisa amateeka.