Amawulire

Alupo akubiriza abakulembeze babavubuka

Bya Benjamin Jumbe,

Omumyuka wa pulezidenti Jessica Alupo asabye abavubuka okulonda abantu abalina endowooza n’okwolesebwa okutegeerekeka okusobola okutuuka ku nkulaakulana ey’olubeerera.

Yabadde akubiriza omusomo gwa Golden Youth Symposium ogwategekebwa ku yunivasite y’e Soroti ogwasikiriza abakulembeze b’abavubuka okuva mu matendekero aga waggulu okuva mu ggwanga lyonna era ngatambulidde wansi w’omulamwa ogugamba nti, “Leadership based approach to institutional development”.

Yategeezezza abavubuka nti obukulembeze ye yingini y’enkulaakulana n’okukyusa ebibiina naabakuutira okukozesa ebifo byabwe eby’obukulembeze okukyusa n’okukola ensimbi ezilabirira amaka gabwe

Omumyuka wa Pulezidenti yategeezezza abakulembeze ba abavubuka nti ekimu ku bintu ebikulu ebiteekeddwako essira kwe kufuula ebyobulimi okusikiriza ennyo abavubuka okusobola okukola ku kusoomoozebwa kw’ebbula ly’emirimu.