Amawulire

Palamenti ekungubagidde omugenzi Dr Ssemogerere

Bya Prossy Kisakye,

Palamenti ekungubagidde eyali pulezidenti w’ekibiina kya Democratic Party Dr. Paul Kawanga Ssemwogere.

Ssemwogere yafudde wiiki ewedde era yaziikiddwa eggulo mu disitulikiti y’e Wakiso.

Mu kwogerakwe eri ababaka akawungeezi ka leero, Sipiika, Anita Among, ayogeddeko ku mugenzi ng’omukulembeze w’ebyobufuzi ow’ekitiibwa eyakola kinene mu kuzzaawo ebyobufuzi eby’ebibiina ebingi mu ggwanga.

Among asabye gavumenti n’oludda oluvuganya gavumenti okuleeta ekiteeso eky’okusiima omugenzi ebirungi byalese akoledde eggwanga.

Nampala wa gavumenti Denis Obua asuubizza okuleeta ekiteeso kino mu palamenti ku Lwokuna ababaka bafune omukisa okwogera ku mirimu gy’omugenzi.

Ate ye omubaka wa Kalungu west Joseph Sewungu asabye gavumenti okutaangaza kwani alina okuganyulwa mu kuziikibwa mu bitiibwa bye ggwanga.