Amawulire

Kkooti eyisiza ekibaluwa kibakuntumye eri Dr. Kiiza Besigye

Bya Ruth Anderah,

Kkooti ey’okuluguudo Buganda eyisizza ekibaluwa kibakuntumye eri munna FDC Dr Kiiza Besigye alabikeko  nga 18th/ January/2022 oluvanyuma lw’okulemererwa okulabikako leero ku misango egyekuusa ku kukuma mu bantu omuliro nga kigambibwa nti abadde teyewulira bulungi.

Omulamuzi Asuman Muhumuza yayisizza ekilagiro kino, oluvanyuma lw’okusaba okukoleddwa oluuyi oluwaabi nga lukulembeddwamu Ivan Kyazze, ono ng’ategeezezza Kkooti nga bwalina abajulizi 3 abalindiridde mu musango guno.

Dr. Kiiza Besigye ne Samuel Lubega Mukaku bagambibwa okukuma mu bantu omuliro mu biseera emiwendo gy’ebintu wegyewanikira mu ggwanga ng’era bano baali mu massekati g’ekibuga mu bitundu bya Mini Price ne Shauriyako.