Amawulire

Poliisi e Luuka ekutte omuvubuka abadde ayagala okutta bazaddebe yeddize ekibanja

Bya Abubaker Kirunda,

Poliisi mu disitulikiti yé Luuka eriko omuvubuka atemera mu gyóbukulu 24 gwetadeko obunyogoga ku bigambibwa nti yagezezaako okutta bazadde be n’ekigendererwa eky’okutwala ettaka lyabwe.

Ono mutuuze ku kyalo Nantamali mugombolola yé  Ikumbya kigambibwa nti yayiye obutwa mu bijanjaalo nnyina byeyabadde afumba nga ayagala baffe akozese ettaka.

Ssentebe wa LC1 mu kitundu kino, George Buyinza ategeezezza nti omuvubuka ono yasoose kuteeka butwa mu nsuwa yámazzi gókunywa wabula yalabye teri aganywa okwekuyiiya pulaani endala.

Bweyalabye entekatekaze zigudde butaka kwekuleeta emiggo akube bazadde okutuusa okufa wabula bakubye enduulu eyaleese abatuuze ne bamukwata.

Mu kwekebejja ekisenge mweyabadde asula poliisi yasanzeemu emisokoto gye njaga erowozebwa okuba nti yabadde emulinye ku mutwe.