Amawulire

Obubaka obukubagiza kukufa kw’omusubuuzi Aponye bukyayiika

Bya Prossy Kisakye,

Obubaka obukubagiza bukyagenda mu maaso n’okuyiiya eri abagenda z’omugenzi abadde omusubuuzi omututumufu Apollo Nyegamahe aka Aponye eyafiiridde mu kabenje k’emmotoka akawungeezi kajjo.

Mu baweereza obubaka kuliko ne sipiika wa palamenti, Anitah Among nga asaasidde abafamile, nayogera ku mugenzi ng’omusajja abadde omugezi enyo, ate omusanyufu era omukozi enyo.

Neggwandisizo lye kibiina kya NRM liweereza obubaka obwokusaasira era Emmanuel Dombo agambye nti aba NRM bakusuubwa nyo omugenzi Aponye.

N’abasuubuzi wansi w’ekibiina kya KACITA nga bakulembedwamu ssentebe John Nagenda Musoke, bakungubagidde musubuuzi munaabwe era bamwogeddeko ng’omusajja, abadde omugezi, omukozi enyo ate omuyiiya eranga abadde yetanira enkola ey’okuteesa mu kifo ky’okwekalakaasa.

Aponye, era nga yabadde ssentebe wa NRM mu disitulikiti y’e Rukiga, yafudde emmotoka ye bweyayingiridde Fuso eyabadde eyimiridde ku kkubo ng’efunye obuzibu ku luguudo lwasanjala oluva e Mbarara-Kabaale ku kyalo Itojo, Ntungamo District.

Omwogezi wa ploiisi mu kitundu kye Rwizi Police Samson Kasasira, agambye nti dereva wa Aponye ne munne omulala gwe babadde naye basimatukidde ku bisago era bali mu kujanjabibwa.

Omulambo gwa Aponye gukyali mu ddwaliro e Itojo okwekebejebwa.